余咏珊参加的综艺节目（余咏珊失势被炒鱿）
提起TVB嘅综艺节目，
大家会谂起咩？
煮嘢食无限loop？
老歌翻唱再翻唱？
DO姐一直有问题？
呢几年喺余咏珊嘅带领底下，
大台嘅节目就係不断咁重复
上面讲嘅三幅被。
尤其係煮食节目，
好似肥妈嘅<食平D>系列咁，
呢几年出街嘅已经多到
分唔清边个打边个了！！！
如果按呢个发展趋势再行落去，
相信迟下大台入面
只要识开炉嘅艺人可能都会
安排佢哋出嚟煮嘢食咯...
对住呢啲重重复复嘅煮食节目，
就连阿姐汪明荃都睇唔过眼咁话：
“睇煮饭节目睇到好闷啊！”
好彩家下嘅大台揸fit人
黎瑞刚都算心水清，
知道大台而家嘅势色唔对，
就即时推行大改革，
试图挽救劣势！
第一件事就係搵
曾志伟同埋出名多计嘅王祖蓝
大搞节目改革！
前排可乐君亦都同大家
share过大台嘅9个全新节目。
身负重任嘅志伟
每个节目都劲上心，
好似《劲歌金曲》、
《开心大综艺》嘅首集录影，
佢都有到场昅到实！
喺志伟嘅监督底下，
打头阵出街嘅《寻人记》
即时大获好评！
当然啦，
除咗志伟之外，
<金句王>方东升嘅主持
都一样功不可没！
大家有冇睇啊？
之所以志伟一上任就要
大刀阔斧咁改革，
咪因为上一任综艺科阿头
余咏珊做嘅“好事”咯！
由李宝安一手提携嘅余咏珊，
2012年由有线电视过档大台之后，
就即时坐正综艺科总监一职，
外界一直骂声不断。
一方面係不断硬捧
"有线帮"嘅自己友：
黄翠如
翠如bb一直被网友狠批，
话佢无论做咩戏都係一个样，
《幕后玩家》结局入面，
佢就示范咗点样用一个表情
表达喜怒哀乐嘅情绪。
虽然做戏唔掂水，
但翠如bb
依然係唔少重头剧嘅女一，
有高层罩住条路的确易行好多。
洪永城
同样係余咏珊爱将嘅
仲有洪永城。
其实佢主持嘅节目好似
《走过烽火大地》系列，
的而且确好高质。
但讲到做戏了喔，
洪永城同黄翠如一样
都係争啲演技咯。
另一方面，
喺余咏珊掌陀下嘅大台节目，
闷都唔再讲了，
仲要选择都劲少！
以前周末大家都会坐定定
等睇《奖门人》
《荃加福禄寿》
《美女厨房》之类嘅综艺节目。
再睇翻而家，
《开心速递》竟然播到去周末，
想话搵综艺睇下，
清一色嘅煮食节目
完全拣唔落手...
就连四十几年来都係直播嘅
《香港小姐竞选》都畀佢改埋，
亦都係因为港姐变录播，
所以先激到奖门人离巢！
就係咁，
喺李宝安同余咏珊嘅带领下，
TVB呢几年係肉眼可见嘅唔掂水，
身为<镇台之宝>嘅阿姐汪明荃，
之前亦係台庆公开批评
TVB现有嘅山头文化！
同时亦都希望TVB对员工
唔好咁缩骨，
要留住人才先有得发围！
其实讲到底，
无论山头文化定刻薄员工，
都同余咏珊对上嘅
大台CEO李宝安有好大关系。
皆因佢就係负责睇住
TVB盘数嘅关键人物，
而佢又出名手紧，
梳化服、台前幕后嘅人工等，
通通都要悭！
所以咪搞到TVB啲剧集制作
一路都咁小家，
台前幕后嘅人员又係咁流失。
TVB嘅大股东黎瑞刚
日前接受采访嘅时候亦都
公开批评近呢十年
因为<山头文化>、
<节目无新意>等问题，
严重影响TVB嘅发展！
佢对此表示极度不满，
所以嚟紧TVB嘅首要任务
就係change！
话口未完，
有份搞到TVB江河日下嘅
李宝安就爆将于下个月
正式<被退休>！
自己嘅老顶都落马了，
余咏珊当然都冇得留低啦！
所以今日佢喺接受采访嘅时候，
亦都亲口承认将于本月辞职！
种种迹象都睇得出
今次TVB想改革嘅决心都几大，
又着手铲除山头文化，
又推动综艺革新，
呢场改革嘅大龙凤
真係好睇过TVB啲剧集啊！
至于成效了喔，
都係要继续观望下先，
毕竟一朝天子一朝臣，
之后会唔会出现
新嘅山头文化都好难讲。
希望今次
真係可以扭转以前嘅歪风啦！
大家不妨买定花生
睇下好戏会点发展！
More · 今日娱乐看点
资深演员黄树棠离世
喺《我和僵尸有个约会》饰演“求叔”
嘅资深演员黄树棠，
因罹患大肠癌于日前离世，
享年77岁。
棠叔一路走好！
黄心颖新恋情曝光
据港媒，
黄心颖一直被传
同音乐人黎万宏秘密拍拖，
日前佢哋两个就被人影到
着住情侣装撑枱脚，
侧面坐实二人恋情！
《你好，李焕英》票房破54亿
截止4.10，
电影《你好，李焕英》
累计票房突破54亿！
上映咁耐依然係走势凌厉，
认真犀利！
资料来源：微博、节目截图
互联网综合整理
编辑：彭琳
*文中图片版权归原作者所有，如有问题，请与原作者联系
扫描下方二维码
进入可乐生活小店
▼
海鲜包送到屋企
你都可以做厨神
▼
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
,免责声明：本文仅代表文章作者的个人观点，与本站无关。其原创性、真实性以及文中陈述文字和内容未经本站证实，对本文以及其中全部或者部分内容文字的真实性、完整性和原创性本站不作任何保证或承诺，请读者仅作参考，并自行核实相关内容。
